كيف اجعل شخص يحبني

[ميرا]

كل شخص فى الدنيا له مميزات و له عيوب.

و لما بنرتبط أكتر حاجة بتجذبنا المميزات و لما العيوب بتبدأ تظهر يا بنتقبلها يا بنخاف منها يا بنبحث عن طرق للتأقلم و التعامل معاها.

طيب أية علاقة دة بدفع ثمن المميزات ؟

الفكرة أن كل ميزة لها وجه آخر من العيوب و دة بيكون ثمن الأنتفاع بالميزة.


شايفة ناس مش فاهمة و تطالب بأمثلة بشدة


ماشى يلا ناخد أمثلة :


مثال (1)
- ميزة شخص : أنه رجل أعمال و غنى الوجه الثانى للميزة : أن فى أوقات كتير هيكون مشغول عن آسرته أو هيكون مضغوط من الشغل.


مثال (2)
- ميزة شخص : تفكيره و عقلانيته و دماغه مفكرة الوجه الثانى للميزة : أن أحياناً وقت ممكن يحتوى فى الآخر هيبدأ يناقشه بالعقل و المنطق.


مثال (3)
- ميزة شخص : أنه شخصية عاطفية و بتشعر بالآخر الوجه الثانى للميزة : أن الشخص بيكون محتاج فى الغالب الأهتمام و الحرص فى التعامل مع مشاعره لأنه بيكون سهل الجرح


و هكذا كل ميزة لها وجه آخر ... و الصفة اللى حبتها فى شريك حياتك هى نفسها الصفة اللى ممكن تزعجك.


فبالتالى أعرف أن كل ميزة هتاخدها هتدفع ثمنها تقبل للوجه الآخر للميزة.


الفكرة أننا محتاجين نتقبل المميزات و وجوها كما نتقبل العيوب .