كيف اجعل شخص يحبني

[ميرا]

كيف أجعل حبيبي يحبني لحد الجنون

هانتوما البنات طريقة فقع مرارة بوركابي

بزاف ديال لبنات نهار كيسالي معاهم بوركابي مكيعرفوش
يتعاملو ويتصرفو وكيصدقو مطيحين بكرامتهم
قبل منبداو بكيفاش تندميه نهضرو بعدا كيفاش تصرفي فاش
يقولك نساليو باش تخرجي ب اقل الاضرار وتحافظي على
كرامتك ويبقى لعيب منو هو
ها هو جا سي لغزال وسخن عليه راس وقالك فلانة خسنا نساليو
هادشي شي بنات حق الله مكرهت نسرفقهم حتى يتفلاشاو
مترغبييييييش متقوليش عافاك متخلينيش واخا تكوني كتموتي
عليه متقولييييهاااااش قالك نساليو قوليلو علاش؟ شنو
الاسباب باش نساليو غيبدا يخربق عليك قوليلو متأكد من هاد
لقرار؟ غيقولك اه وكدا قوليلو اوك الله يعاونك وسدي وحبسي
لهضرة
هنا غتكوني مقصحة وفيك شمتة ومافاهماش علاش وموحشاه
ومكرهتيش ديري لي ميدار باش ترجعو ولكن راه ماكاين مايدار
حيت راسو سخون واخا تهضري ترغبي غطيحي بكرامتك لاغير
دابا غنهضرو كيفاش تعاملي غتكوني مجروحة وخنونتك
هابطة متنشري والو ف فيسبوك ولا واتساب متبدلي تصويرة
متلوحي تصويرة مديري واااالو لمدة سيمانا خليه ميعرف عليك
والو لا واش فرحانة ولا غضبانا متبدلي والو حتى دوز سيمانا
حسيتي براسك مخنوقة شكي على شي وحدة كتبي داكشي
فورقة قطعيه غي متلوحيش هااالعار داك لفيديوهات ديال
لحزن ودموع و اخان هكاك كتخلي بنادم يشمت فيك
ورا داك سيمانا ديال الاعتكاف غتبدا لخدمة هههه غتخرجي
وضربي تصيورات بشي حطة مقودة ولوحيهم وبعدي من المعاني
رحمكم الله متمعنييييوش ومتحشيوش ليهم لهضرة كاااع ..
لوحي تصاورك فرحانا وخارجة وضاحكة لوحي تصاور لقطوط
لكلاب اي حاجة بعدي غي من لحب من ورا هاد سيمانا تانية
ديال تصاور هو غيشوفك فرحانا ناشطة غيبدا يتقصح هنا غديري
شي سطاتي على لحب الجديد زعما بحالا كتمعني بلي راكي
طحتي فحب جديد ناري هنا غتشعل فيه لعافية وغيبقى صابر
ومقصح ويجي يقولك فلانة توحشتك هوووب شديناه
صافي هنا غتبدا عملية الانتقام ماشي يقولك توحشتك تقوليلو
حتى انا نااااري تماك غتخراااي فيه جاوبيه ب لهلا يخطيك شكرا
تما غيبدا يتحلون ويعتدر ولكن ويااااك تسامحيه بهاد سرعة
حيت غيعاودها هادا هو لغلط لي كديرو دغيا كتسامحو
جرجريه شويا وجيه من تالي قوليلو انا ملي كنت معاك مغلطت
معاك فوالو جيتي بوحدك وقلتيلي سالينا وهاد لقرار خديتيه نتا
بوحدك وخسك تحمل مسؤوليتك .. وايلا كنتي راجع غي باش
ترجعني لدوك ليام من ااحسن بلاش حيت انا وليت بيخير دابا
بصح تعدبت شويا ولكن ولفت و ولات عندي عادي وايلا كنّا
غنرجعو باش يتعاود نفس لفيلم غي خليك بعيد اولد ناس كنتي
غتبدل وغتكون شي حاجة محسن من هنا لقدام مرحبا
هانتي فركعتي رمانا وغتباني ليه قاصحة وبكرامتك وغتسمعيه
هاد لهضيرات على وديناتو ومغتيعاوش يقولك نساليو مرة خرا..
هادشي لي كنعطيكم غي نصائح يعني ماشي كلشي غيصدق ليه
داكشي كيبقى على حساب بنادم واش باغيك ولا لا وغالبا فاش
كتكوني مغلطتي معاه فوالو كيندمو وكيرجعو حيت كيدورو حتى
يعياو وميلقاوش بحالك ويرجعو
وديما خلي كرامتك فوق كلشي قدما رغبتي قدما كطيحي قدامو
وكيحتاقرك ديما خلي راسك مرفوع وفكري بعقلك قبل من قلبك