كيف اجعل شخص يحبني

[Touriaa]

السلام عليكم ورحمة الله وبركاته ...اما بعد والله مو عارفه كيف ابدا موضوعي بس لازم اكتب لكم تجربتي اللي خلت زوجي ينفذ طلباتي !!!!!!!!!!ا اكيد كلكم تحمستوا ايه يبنات قبل فترة 8 شهور تقريبا وانا عايشه مع زوجي في دوامه لا يعلم بها الا الله ...انصدمت بزوجي عدة صدمات ولو بكتب المشاكل وحده وحده ماراح اخلص بس بالنهاية توصلت لفكرة وهي اني جبت دفتر فاضي وبدأت اكتب كل اللي نفسي فيه بأسلوب حلو وكل افكاري عن زوجي حتى اذا زرت وحده ارجع امسك الدفتر وكأني اسولف مع احد واكتب وش صار وش اللي نفسي يكون عندي من اللي شفته عندها وكل شي بعدين احط الدفتر في مكان يقدر زوجي يوصله وبنفس الوقت اكون كأني مخبيته يعني اهم شي ان زوجي يحسب اني ما ابيه يشوفه بتقولون ليش ؟؟؟ وبعضكم بيقول ليه ما تكتبين رساله لزوجك وترتاحين من التخبي ؟؟
اقولكم ليه!!!! لأن الرجال بطبعهم ما يحبون احد يملي عليهم اللي يسونه يعني لو قلتي لزوجك ودي انك تتغير وتسويلي كذا وكذا بيعاند ولا راح يصير شي ولا يمكن يصير يوم يومين ويرجع بس لما تكتبين وكأنج كاتبه للنفسج وزوجج يقرا وانتي ما تدرين زوجج بيسوي نفسه انه ما قرا شي وان هاذي مفاجأه منه هو وانتي عاد انفخي فيه والله كأنك عارف كان نفسي بالشغله هاذي ومن ها الكلام ............
والله يبنات زوجي سوى اللي اكتبه بالدفتر بس حبه حبه يعني يبيلي اصبر عشان هو مسوي نفسه ماقرا طبعا ما جتني هذي الفكرة الا بعد الدعاء لله انه يسخر لي زوجي ويصلحه لي ومواظبتي على الأستغفار بعد وصلنا لحاله صعبه جدا جدا كنت بطلب الأنفصال كان زوجي ما يكلمني ولا كلمه كأني قطعة اثاث في البيت ماكل شارب نايم طالع..اللحين تحسنت الأحوال شوي 
بس ودي انبه بعض الحريم اللي تعرف زوجها ماتناسبه الطريقه هاذي ويمكن تسويلها مشاكل اكثر تبعد احسن 
واللي تستفيد تدعيلي..