كيف اجعل شخص يحبني

[بسبوسة وعسل]

موضوعي اليوم غيفيد بزاف ديال البنات
الخلطة ديالي فيها تمارة شوية ولاكن لي بغا العسل اصبر لقريس النحل
بدون مبالغة الخلطة كتبيض الجسم / كتوحد اللون / تعطي لون جميل مع الاستمرار / كتطفي الحبوب فخطرة
انا معنديش الحبوب صراحة ولاكن تجربة اختي غنقولها ليكم
اختي درت ليها لاسيغ ليديها وناد ليها الحبوب بمجرد انها دارت السر لي غنقوليكم عليه مشا فخطرة ومخلاش اتار
اما توحيد اللون انا لوني توحد بشكل رائع ومبهر
مغنقوليك لا معلقة جليسوليد ولا كينطا ولا كلشي من الطبيعة فقط




















كلكم كتعرفو الغاسول لي كيديرو فالحمام لحمهم وشحال من وحدة كتهمل الفوائد دياله
ولاكن اانا كنضيف عليه اضافات اخرى


المهم نحتاجو 2 الى كيلو غاسول نحتاج لمقراج ماء سخون طالق السبولة
الغاسول كنشريه من مرجان ... كيكون نقي وممتاز
المهم السر غنحتاجو ل 2 دراهم ازير / 2 دراهم ورد / 2 دراهم خزامة / 2 دراهم ريحان / 2 دراهم بابونج / زعتر لي غيهز الكف ديالك / قرنفل غير شوية ندير هاد الاعشاب ونخلطها بيدي ونكب عليها الماء سخووووون تبقى هكاك مع بعضها وانا كنخلط باش الكل يطلق حتى يدفى الماء تحسي بيديك تقدر تقيسو
بعد هادشي كناخد البانيو وندير فيه الغاسول ونحاول نفرتو بيدي من بعد ناخد السطل لي منقوع فيه الاعشاب ونصفيه ونكبو على الغاسول ونخلط مزيان لاحضو معايا ميجيش جاري عجنيه مزيان مزياان
من بعد غناخدو ميكة نقسموهي ونسرحوها فالسطح فالشمس وفحالة كنخبزو هاد العجين المهم نسرحها مزيان
وغتكرم مع الشمس غتحتاجو يوم او 2 ايام فقط
بعدها غيكرم وغيرجع متل مشريتيه فالاول وتكسريه بيديك الى اطراف وديريه فبلاستيكات
طريقة استعماله وبصراحة اخوتي هاد الغاسول بطريقتي والله منقلتو من شي حد واتمنى اتمنى تجربوه
طريقة الاستعمال نهار تمشي للحمام غادي تهزي القياس لي غديريه ماسك لجسمك
وتاخدي راس معلقة عكر فاسي + عصير حامضة كاملة + ماء الازير يعني مغلي الازير تاخديه وديريه فشي كاس وتخوي عليه الماء حتى يطلق
وتاخدي الغاسول لي غديري لحمك وتزيدي عليه العكر الفاسي والحامض والما ديال ازير وتخلطيه
بعد الحكان بعدما تزولي الوسخ والخلايا الميتة
غادي تطليه لجسمك وتخليه حتى ينشف فهاد الاتناء حكي قدم رجليك او استرخي
ومني غتغسليه غتحسي بنعومة عمرك شفتيها ووبياض من اول استعمال و من رائحة راااااااااااااااائعة الكل يسالني هاد الريحة منين جاية مزيج من الخزامة والريحان وممكن حتى السنبل ديروه هادي عشبة صراحة رااااااائع
ادكر منسمح حتى لاخت تنقلو لمنتدى اخر بدون متحط اسمي عليه
كنتمنى دعيو معايا ياررب يحقق لي فبالي
وتيسر طريق حياتي
بالصحة والراحة ترقبو معي طريقتي فالحمام المغربي
نسيت نقوليكم ان هدا اسمه الغاسول المسقي بالاعشاب