كيف اجعل شخص يحبني

[بسبوسة وعسل]

لام عليكم البنات انا همي و لي شاغل بالي هو الشعر ديالي,كنظل نقلب على شي حل ليه باش يطوال ويكتر و يرجع تيلمع ووووو
المهم بالصدفة اكتشفت واحد دوا اسمه خميرة بيرة عند صيدلي هو عبارة عن اقراص تتكون من فيتامنات كتييرة خصوصا مجموعة تمانية بي ولي عندها تاتير على شعر وبشرة واظافر واملاح معدنية وبروتينات المهم غني جدا,انا صراحة شريتو على قبل شعري,لكن فوجئت في اسبوع اول وجهي رجع تيلمع وتيشرق و بشرتي صفات ولون ولا فاتح بحال داك اشهار ديال فير اند لوفلي فاش عارضة كتبياض ومن فوق هاد شي مبقاش فيا ريحة الحبة,وحتى شي حبوب كان في ظهري مشا وهادشي بعد اسبوع فقط من استعمال,مهم انا دخلت غير نقولها ليكم وانا راه باقي مفقسة حيت انا شريتو على قبل شعري وكيهمني مفعولو على شعري,لكن ما فيها باس رجع وجهي غزاااال ههههههه في انتظار نشوف نتيجة على شعري,انا مهم دخلت غير نعلمكم وندير فيكم خير الا شي واحدة معقدها وجها ولا معقدة من بشرتها انا معقدني شعري صراحة
بالنسبة لدواء يوجد في صيدليات واسمه extra levure de biere وتمن ديالو خمسين درهم تقريبا وفيه 125 حبة يدي ليكم حتى لشهر الا خديتو تلات حبات بالنهار !!!!!راه مكتوب انه كيغلظ ولكن راه غير هدرة هاذيك متيغلظ ماوالو بالعكس فيه شي خمائر مزيانين للمعدة,مهم نتوما سولو صيدلي عاد خدوه,وراه يمكن ممنوع على شي ناس لي عندهم شي حاجة في معدة انا بعدا وافقني وما عمل لي والو للمعدة بالعكس حسيت جسم ديالي تحسن كلشي تحسن ....ولكن شعري لي على قبلو شريتو باقي