كيف اجعل شخص يحبني

[بسبوسة وعسل]

السلام عليكم
البنات قبل كنت نزلت ليكم وصفة ديال تبييض الايدين من اثار الشمس
و الوصفة كانت عبارة على خميرة ديال الحلوة و خميرة ديال الخبز
الخلطة زوينة لكن كتعرفو الحاجة طبيعية خسها الوووووقت و انا ما عندي كانة
المهم المنظر ديال يدي كان كل نهار كيألمني
خصوصا ان يدي لونهم الاصلي ابيض و كحالو بالشمس
و ناس كنعرفهم كيضحكو عليا من حيت لون يدي ماشي هو لون وجهي
و كيتسحاب ليهم غير واش كنـ exagérer فالبودرة ولا فالفونديشن
المهم واحد المرة انا كنتسارا فواحد المنتدى مصري مشهور
شفت وحدة كاتبة ان واحد الكريم كيفتح لون اليدين
حتى انا قلت نجربو من حيت ثمنه رخيص
و بالفعل استعملتوا و يدي دابا تقريبا توحد لونهم ما شاء الله و انا الله يهديني كسولة
ماشي مواضبة
نجو للمهم
الكريم من اوريفلام من مجموعة سويديش سبا

كيدير 19 درهم و الى كنتي مشاركة عتاخديه بقل
المهم اول حاجة كل يووم بدون استثناء علاش كنقولك كل يوم حيت انا فالاول كنت مواضبة عليه كل يوم
و انا مكنقول غير للي جربت
المهم كل يوم تديري تقشير خفيف ليدك يعني استعملي اي مقشر
مديريش الليمون مع السكر راه كيحرش اليدين
انا كان عندي غسول كلين كلير مقشر يومي مناسبش وجهي وليت كنديرو ليدي و رجلي
و استعملتو قبل بوحدو و مدارلي والو يعني السر ماشي منو
علاش خسنا نديرو تقشير ليدينا ؟؟ حيت الكريم المفعول ديالو كيكون اكبر الى كانت البشرة الميتة تقشرات
المهم بللو يديكم و دلكو المقشر بحركة دائرية و غسلوه و مباشرة ديرو الكريم فيديكم و لبسو الوانطيسات
هاد الشي فالليل حيت الكريم اصلا ليلي و الى كانت الشمس ماشي تخرجو للشمس و يديكم معرضين ليها
بحالي كتكبو الما فالغربال ديرو اكرو ديال الشمس ولا كاين كريمات خاصين باليدين و كيحميو من اشعة الشمس
موجود واحد فاوريفلام و رخيص
انا بانتلي النتيجة من 2 ديال الاسابيع و كلشي بانلو بان يدي تغير
الاسبوع الاول كنت مواضبة من بعد بديت كنعجز على التقشير و مع البرد مكيعجبنيش ندير يدي بزاف فالما بارد
باش متقولوش انني كنروج لاوريفلام
انا فالاول مكنتش حاملة هاد الشركة و من حيت كنسمع بزاف ديال الناس كيعيبو فيها
و لكن مللي جربت منتجاتها لقيتهم فعلا زوينين و كينفعو
و اولهم هذا و مجموعة سويديش سبا كولشي كيشكر فيها
و ربي عالم انني ما كنروج ما كندير دعاية انا فادتني واحد الحاجة بغيتها تفيدكم و بغيت منكم غير الدعاء
و باش نزيدكم اكثر و يطمأن بالكم انا ما مسجلاش اصلا فاوريفلام راه غير واحد البنت الله يجازيها الخير كتعطيني نشري بعضويتها
و هاد الشي كنقولو حيت كنت شكرت قبل فواحد المنتج من اوريفلام وواحد البنت قالتلي انا غير كنتفلا و كنعطي دعاية
لكن فالنهاية ربي كيشوف كولشي و الى كنت كنتفلا هو الكفيل بيا