كيف اجعل شخص يحبني

[بسبوسة وعسل]

السلام عليكم

اليوم جايبة ليكم الماسك اللي كاندير هادي مدة و موافقني بزاف و وجهي صفا و شي بقع ديال الشمش بداو يبهاتو

راه فيه المقادير و لكن دابا شهر و نص و هو عندي و منين نخاطو كيبقا تلاتة او اربعة أيام فالتلاجة
كانديرو كل نهار و داخل فالروتين ديالي اليومي للعناية بالوجه راه هملت راسي مدة طويييلة و دابة كانحاول ننقد الموقف

نجيو المقادير

نفس المقدار ديال هاد المكونات مطحونة (أنا درت كاس صغير)
حلبة
ام الناس
الحمص
الروز
الخميرة غبرة
خمارات (درت باكية)
الترمس
الحليب غبرة
نشا الدرة (مايزينا)
الفول مطحون
سكينجبير
الخرقوم البلدي


كانخلطهم و نديرهم فقرعة

طريقة الإستعمال
كانقبط معالقة من الخليط و نزيد عليها نقيطة الحامض و شوية العسل و دانون مسوس
كانطلي شوية لوجهي و نخليه ينشف و نحيدو على شكل گوماج حتى ما يبقى والو و نشلل وجهي بالما
راه الا درتو غير شوية كينشف دغيا
داكشي اللي شاط كانسد عليه و نديرو فالتلاجة و نبقى نستعملها تاتادا و لا تبان لي خسرات

راه رائعة للوجه، كل واحد فالمكونات عندو فوائد كبيرة للبشرة
ادا بغيتو نقدر نكول ليكم الروتين اليومي للإعتناء بالبشرة و الجسم ديالي
سمحو لي طولت عليكم