كيف اجعل شخص يحبني

[بسبوسة وعسل]

السلام عليكم
كلنا بطبيعة الحال كنظفو المنطقة الحساسة في الأيام العادية ولكن في فترة الحيض خاص التنظيف و العناية كثر ، حنت كنكونو معرضين للإلتهابات و البكتيريا أكثر
انا نوريكم طريقتي في التنظيف
ملي كتقرب كتجيني ، كنوجد ليها حتى هيا شغلها " إكرام الضيف واجب هههههههههه"
كنوجد 3 فوطات خاصين غير بديك المنطقة فقط وككونو مغسولين و مشمسين مزيان قبل
5 ديال سليبات ديال القطن + 2 ديال دوك شورطات لقصار و لاصقين " طوال على سليبات غير شوية، مكنعرفش سميتهم "
الفوطات الصحية " نانا" أحسن فوطات لجربت حد الان ومافيهمش داك لبلاستيك لكزيد الالتهابات حنت 100% قطن
و أكيييييييييييد ساشيات ديال هيدرالين hydralin
دابا ندوزو للطريقة " بحال إلا كاتبة ليكم مقادير ديال المسمن ههههههههه"
المهم ، هاهي خالتي الحمرية جات ..كنستقبلها بساشي وحدة ديال هيدرالين ف طاسة ديال ماء سخون و كنغسل المنطقة و كنشف مزيان بالفوطة ، من بعد كنلبس سليبي فيه نانا و كنزيد فوقو داك الشورط وكنلبس بيجامتي عادي ... و فيما كنبغي نبدل نانا كنغسل بما سخون صافي ، دوك ساشيات كنستعمل وحدة ملي كتجيني و وحدة ملي كتمشي و ديك الفوطة كنشف بيها داك نهار كامل و كنصبنها بيدي دغيا وصابون الكف و نديرها تشمس
و فهاد الفترة ديال الحيض مكنستعملش نهائيا الصابون السائل لخاص بالمنطقة بحال سافوغيلsaforelle، وسليب كنبدلو مرة في النهار اما دوك الشورطات كبقاو نقيين داكشي علاش كنحتاج غير 2
والحمدلله بهاد الطريقة ماكوصلني لا التهابات لا حكان .. حنت كاينة لمن بعد الدورة كتحس بالحكة و ريحة خايبة ...
ولعندها شي فكرة باش تفيدني مرحبا بيها