كيف اجعل شخص يحبني

[بسبوسة وعسل]

كلنا كنعرفو انه بعد المرات ملي كنديرو كريم أساس او فون دوتان شي بلايص فالوجه كتنوض ليهم القشرة او الفون دو تان مكيتماساش مزيان عل الوجه و ملي كنديرو لبودر كيولي الوجه بحال الى مكبص حيت الكريم ماتسرحش مزيان على البشرة هادشي علاش كنديرو كوماج او مقشرو كريم مرطب قبل الماكياج و كاين بعد المرات وخا كنديرو الكوماج مكنقيوش الوجه كليا من الشوائب و الخلايا الميتة .هادشي علاش وليت كندير واحد الطريقة زويونة كتنقي الوجه و كتخليه مثاالي لوضع المكياج سمحوليا طولت شويا و لكن عزيز عليا نشرح و نعبر ههه
مهم غاتاخد لك شوية ديال الوقت
اول حاجة غتغسلي وجهك بصابونة طبيعية و تشللي وجهك و تعاودي الصابون مرة أخرى و تخليه شي 2 دقايق ينشف و تغسليه بماء دافي و تجيبي ماء فيه ثلج تديري فيه شي طريف تاع الفوطة و دوزيه على وجهك او تدوزي قطعة ثلج من بعد نشفي وجهك
ثم نجيب واحد كيري نبجغو بيدي و نديرو فوجهك بحال الماسك و نخليه واحد شوي حتى ينشف كليا و تبداي حكي وجهك بشوية بحركات دائرية و بلطااااافة ماشي تحكي بجهد بحال الى مغددا عليه هههه مهم تشلي وجهك و تغسليه بصابون تاني
و دابا اجي للمعقول غادي تشدي شي كريم عندك خاص بالوجه أي كريم كيفما كان(حليب ديال الوجه ) و غادي تدهني بيه وجهك مزيان يكون باين في وجهك و غتشدي فوطة رطبة و غتجيبي الماء سخون غتشدي بصباعك طرف تاع الفوطة و غاتغطسيه في داك الماء و غادي تمسحي بيه وجهك من داك الكريم غتحسي بيه سخووون و لكن غيعجبك في هاد البرد هههههه غير عنداكم تسلقو وجاهكم .مهم كملي حتى تمسحي الحليب كله
دابا جيبي عصير حامضة مع السنيدة و شوية ديال زيت اللوز او زيت الزيتون المهم أي زيت متوفرة خلطهم و قبل ماتدوب ديك سنيدة دهنو بيها وجهكم و فركوه بصباعكم بشويييييييية و خصوصا البلايص اللي تيكون فيهم لي بوان نوار و خليوه واحد 10 دقايق فوجهكم و ملي تنوضو تغسلوه انا كنستعمل فرشاة الخاصة بالوجه و لي معندوش ياخد شي فرشاة تاع الاسنان رطيطبة و يحطك دائريا غير ثواني و شللي وجهك بماء دافي ثم بارد ونشف بفوطة و نديرو ماسك تاع العسل الحر و الحلبة مطحونة و تقدري تضيفي الخميرة و شوية ماء ورد و لكن الخميرة فيها واحد المشكل غانقولو لكم في الأخير
نديرو الماسك 20 دقيقة و نغسلوه و غنكونو وجدنا الماء يغلى و ندهنو وجهنا بزيت الورد و نديرو حمام بخار راكم عارفين كيف من بعد ماتحسو وجهكم عرق مزياان و المسام تفتحت ... غتحيدو من الحمام بخار و تمسحو وجهكم بلطاااافة بشي قطن و كندير ماسك ديال دقيق الرز و ماء الورد او النشا و ماء الورد و كنغسل وجهي بماء دافي و الصابون ندير من بعد ماء بااااارد و نمسحوه وندهن بشي كريم و كايكون وجهي تنقا و زاالت كل الخلايا الميتة و نحط مكياجي عااادي و مكتلقاي حتى مشكل و انتي كتديري الفوندوتان

بالنسبة للخميرة و الحلبة معروف عليهم تينفخو الوجه و لكن تينقيو مزيااااااان .شحال من وحة كانت تتشكى تتلقا منخرها تنفخ و حناكها انا بالنسبة ليا من ورا هاد الماسك كندوز على وجهي بماء ورد بااارد باش مايبانش النفاخ